مستخدم المخدرات مريض ..... مش مجرم

كل إنسان على هالأرض معرّض لمشاكل الحياة، معرّض ليمر بتجربة من التجارب اللي منمرّ فيها بهالعالم.

منّا بيتخطّى المصاعب ومنّا بعيش بهالتجربة وبِغوص فيا لأسباب كتيرة قاسية بهالدّني.

ومستخدم المخدرات إنسان متلنا متلو جَرَفِتو هموم الدّني وبيعدِتُو عن أهلو وأصحابو وعن حالو ليكون عَبِد للمخدرات هالمَّادة السّامة اللي دمَّرِت بيوت وعِيَل وقَتَلِت ولادنا وبعدا عم تهدّد شبابنا.

هالشّخص المستخدم المخدرات هو انسان مريض مش مجرم، انسان بحاجة لفسحة أمل، لبيت وأصدقاء حدّو يدعَمو مش يعاقبو، يكونو لجانبو ليتخطّى اللي وصل إلو ليرجع انسان ناجح بالمجتمع، إنسان مُنتج .

بالمساعدة والحبّ منبني..... بالعقاب والوصمة والكراهية مندمّر مستقبل ولادنا.

كونوا حدّن ما تدِينوُهون ما تلوموهون على الغلطة اللي صارت ساعدوهن ليخلصوا من المخدرات وما يرجعولا.

راشيل تنوري 

أمانة سرّ أخوية السجون في لبنان

SDP

 

 

SUBSCRIBE TO OUR NEWSLETTER